Хави жамоада "Тоттенхэм" футболчисини кўрмоқчи

"Барселона" бош мураббийи Хави Эрнандес "Тоттенхэм"дан ярим ҳимоячи Жовани Лочельсонинг трансферини маъқуллади. Журналист Серхи Капдевиланинг фикрича, аргентиналик футболчи 70 миллион евро сўралаётган “Манчестер Сити” футболчиси Бернарду Силвадан кўра реалроқ вариант.

Манбанинг айтишича, Лочельсо Хави қўл остида ўйнашга тайёр. Ярим ҳимоячи "Бетис" ва "Вильярреал" каби жамоаларда ўйнаб, Ла Лигада тажриба орттирган. 

27 ёшли хавбек "шпорлар"нинг режаларига киритилмаган. Инглиз гранди "Transfermarkt" томонидан 14 миллион еврога баҳоланган 27 ёшли ярим ҳимоячини сотишга тайёр.