Хави Мартинес яна Испанияга қайтиши мумкин

"Атлетик" Бильбао клуби президенти Аитор Элисеги "Бавария"да тўп сураётган собиқ футболчиси Хави Мартинесни ортга қайтариши мумкинлигини айтди.

“Бизга Мартинес учун 20 млн евро тўлаш муаммо бўлмайди. Биз бундай трансферни амалга ошириш имкониятига эгамиз. Бу бизга молиявий қийинчилик туғдирмайди”, - дейди президент.

Маълумот учун, 30 ёшли Мартинес “Бавария” сафига 2012 йил 40 млн евро эвазига айнан “Атлетик”дан кўчиб ўтган эди. У жорий мавсум 27та ўйинда иштирок этди ва ўз ҳисобига 3та гол ёздириб қўйишга эришди. Унинг мюнхенликлар билан амалдаги шартномаси 2021 йилга қадар имзоланган.