Хави мухлисларни хотиржамликка чорлади

Каталониянинг "Барселона" клуби мураббийи Хави Эрнандес "кўк-анорранглилар"нинг ҳозирги таркиби ҳақида гапирди.

"Келгуси трансфер ойнасигача биз хотиржам бўлишимиз мумкин. Жамоамиздан мамнунман. Мавсум охиригача ушбу футболчилар танловидан фойдаланишда давом этамиз. Бизда ўзи иштирок этаётган барча турнирларда ғолиблик учун кураша оладиган ажойиб жамоа бор. Асосий мақсадимиз – барча турнирлар кубогини ютиш", - деб ёзди Хави. 

Маълумот учун, "Барселона" Испания чемпионати турнир жадвалида бир ўйин кам ўтказган ҳолда иккинчи ўринда бормоқда. Хави шогирдлари пешқадам "Реал"дан бир очко кам жамғаришган.