Хави: "Олтинга тенг 3 очкони қўлга киритдик"

Испания Ла Лигаси 16-туридан ўрин олган "Атлетико" - "Барселона" учрашувида меҳмонлар 1:0 ҳисобида зафар қучди. Ўйиндан кейин каталонияликлар бош мураббийи Хави қуйидаги фикрларни билдириб ўтди.

"Олтинга тенг 3 очкони қўлга киритди. Рақибнинг босимига сабр қилиб, яхши ҳимояландик. Бугун у қадар яхши ўйнамадик, аммо якунда ғалабани тантана қиляпмиз. Бу шундай спорт тури.

Менимча, бу шунчаки ғалабалардан бири эмас, чунки мазкур 3 очко шогирдларимга катта ишонч бағишлайди. Биз қийинчиликларни бошдан ўтказдик. Бироқ бир оила бўлганимиз туфайли, уларни енгиш қийин кечмади.

Бу гал ҳам "Эспаньол" ёки "Интерсити" билан бўлгани каби яхши ўйнай олмадик, аммо Ла Лига чемпионлигини қўлга киритиш учун барча нарсага тайёрмиз",-деди испаниялик мутахассис.

Маълумот учун, "кўк-анорранглилар" 41 очко билан турнир жадвалида пешқадамлик қилмоқда.