Хайр, Бэйл!

“Реал” ҳужумчиси Гарет Бэйлнинг агентни Жонатан Барнетт мавсум якунланиши билан мижози Мадридни тарк этишини маълум қилди.

- Гарет “Реал”ни тарк этиши аниқ. Фаолиятини қаерда давом эттиришини аниқлаб олиш учун Уэльс терма жамоасининг йил охирида Қатарда бўладиган жаҳон чемпионатига чиқишини кутишимиз керак. Ҳаммаси саралаш ўйинларининг натижасига боғлиқ бўлади, - деди Жонатан Барнетт.

Агентнинг таъкидлашича, уэльслик футболчи Англия премьер-лигасига ҳам қайтиб боришга тайёр. Бэйл 2013 йилдан бери “Реал” шарафини ҳимоя қилмоқда. Мадридликлар ҳужумкор футболчи учун “Тоттенхэм”га 100 миллион евро тўлаган. Ҳозир керакмас ўйинчига айланган Гарет мавсум давомида атиги етти бор майдонга тушиб,  битта гол уришга эришди.

Фикрлар

Фикр қолдириш учун авторизациядан ўтинг!