Хайр Месси, хайр Роналду!

Кейинги ўн йилликда дунёнинг энг қиммат футболчилари рейтингида доимо юқори ўринлардан жой олишга кўникиб қолган Лионель Месси ва Криштиану Роналду ўз жамоалари таркибида тўпурарлик маҳоратини намойиш этаётганига қарамай, янги рўйхатда кучлилар қаторига киритилмади. Воқеалар ривожи Месси ва Роналдунинг бу рейтинг билан бутунлай хайрлашиши мумкинлигини кўрсатмоқда.

Уларнинг ортидан порлай бошлаган Неймар ПСЖга 222 миллион евро эвазига кўчиб ўтиб, трансфер рекордини ўрнатган бўлса-да, ҳозир ўз мавқеини бошқа юлдузларга бўшатиб берган.

Football Observatory тузган рейтингда ПСЖ ҳужумчиси Килиан Мбаппе энг қиммат ўйинчи сифатида қайд этилди. Франциялик футболчининг трансфер нархи 259,2 миллион еврога баҳоланмоқда.

Бошқа ҳеч қайси футболчининг нархи 200 миллионлик чегарага етиб бормаган.

Football Observatory рейтингида энг қиммат футболчилар ўнлиги қуйидагича кўриниш олди:

1. Килиан Мбаппе, ПСЖ — 259,2 млн евро.

2. Раҳим Стерлинг, «Манчестер Сити» — 194,7.

3. Жейдон Санчо, «Боруссия» Дортмунд — 179,1.

4. Трент Александер-Арнольд, «Ливерпуль» — 171,1.

5. Маркус Рэшфорд, «Манчестер Юнайтед» — 152,3.

6. Муҳаммад Салоҳ, «Ливерпуль» — 144,9.

7. Садио Мане, «Ливерпуль» — 139,2.

8. Антуан Гризманн, «Барселона», — 136,4.

9. Альфонс Дэвис, «Бавария» — 133,5.

10. Ҳарри Кейн, «Тоттенхэм» — 119.