Хендерсон: "Кубокни қўлга киритишни истаймиз"

"Ливерпуль" сардори Жордан Хендерсон "Челси"га қарши лига кубок финали олдидан ўз фикрларини билдириб ўтди. У бугунги ўйин осон кечмаслигини алоҳида таъкидлади.

"Биз кубокни қўлга киритишни истаймиз. Бунинг учун ҳамма нарсага тайёрмиз. Умид қиламанки, бугунги кун биз учун омадли бўлади.

Ўтган йиллар давомида "Ливерпуль" ҳар томонлама ривожланиб борди. Албатта, бу ўз самарасини бермай қолмади. Биз охирги йилларда яхши натижаларга эришдик. 

Биз ўсишдан тўхтаб қолмоқчи эмасмиз. Катта совринларга эга чиқишда давом этамиз. 

"Челси"ни финалда мағлуб этиш осон эмас. Бироқ ғолиблик учун боримизни берамиз", - деди англиялик футболчи.