Хитой клуби Эль-Шааравининг трансфери бўйича музокараларни давом эттирмоқда
Хитойнинг “Шанхай Шеньхуа” клуби италиялик ярим ҳимоячи Стефан Эль-Шааравининг трансфери борасида “Рома” билан музокараларни давом эттирмоқда.
Football Italia нашри тарқатган хабарга кўра хитойликлар 26 ёшли футболчи учун “бўрилар”га 14 млн евро таклиф қилишмоқда. Бироқ, римликлар ушбу трансферни 20 млн еврога баҳолашмоқда.
Яна бир манбаага кўра “Шанхай Шеньхуа” раҳбарияти “Вест Хэм” форварди Марко Арнаутовичнинг трансфери бўйича келишувга эришган. Австриялик футболчи учун хитойликлар 25 млн евро тўлашади.
Бироқ, ҳозирча Арнаутовичнинг трансфери Эль-Шааравиникига таъсири бор ёки йўқлиги маълум эмас.
Фикрлар