Xoakin Bakli UFC sobiq chempioniga "vyzov" tashladi

Qozog‘istonlik Shavkat Raxmonov bilan jang o‘tkazish uchun bir necha bor muvaffaqiyatsiz urinishlarni amalga oshirgan Xoakin Bakli e’tiborini yarim o‘rta vazn toifasida UFC sobiq chempioni Belal Muhammadga qaratmoqda. U mazkur istagi haqida ijtimoiy tarmoqda ma’lum qildi.

"Belal, eshitishimcha, bu yilgi maqsadingiz faqat g‘alaba qozonish ekan. Menda ham xuddi shunday maqsad bor. Keling, buni 7 mart kuni Las-Vegas amalga oshiraylik", - dedi Xoakin.

Eslatib o‘tamiz, ayni damda UFC ning yarim o‘rta vazn reytingida Belal Muhammad beshinchi, Bakli esa o‘ninchi o‘rinni egallab turibdi.