Хоккей. "Ҳумо" иккинчи ўйинда ҳам "Иртиш"дан устун келди

Тошкентнинг “Ҳумо” хоккей клуби бугун Қозоғистон чемпионатининг навбатдаги тури доирасида “Иртиш”га қарши иккинчи учрашувини ўтказди.

“Ҳумо арена”да кечган ўйин 3:1 ҳисобида “қанотлилар”нинг ғалабаси билан якунланди.

Ушбу учрашувдан сўнг “Ҳумо” ҳисобидаги очколар сонини 47 тага етказиб олди ва ўзи эгаллаб турган 3-поғонани янада мустаҳкамлади. Ҳисобида 26 очко бўлган “Иртиш” эса мусобақа жадвалида 9-ўринда қолди.