Xokkey. "Humo" Toshkentda "Torpedo" ustidan g‘alaba qozondi va 2-o‘ringa ko‘tarilib oldi

Toshkentning “Humo” xokkey klubi bugun Qozog‘iston Pro-ligasining navbatdagi turida o‘z maydonida musobaqa autsayderlaridan biri hisoblangan “Torpedo”ga qarshi o‘tkazdi.

Gollarga boy kechgan uchrashuv 4:3 hisobida “qanotlilar”ning irodali g‘alabasi bilan yakunlandi.

Ushbu o‘yindan so‘ng “Humo” o‘z hisobidagi ochkolar sonini 32 taga etkazib oldi va musobaqa jadvalida 2-o‘ringa ko‘tarilib oldi. “Torpedo” esa 14 ochko bilan 11-pog‘onada bormoqda.

Eslatib o‘tamiz, ertaga ushbu jamoalar o‘rtasida ikkinchi uchrashuv bo‘lib o‘tadi.