Xokkey. "Humo" yana bir xokkeychi bilan shartnoma imzoladi

Toshkentning "Humo" xokkey klubi rossiyalik himoyachi Evgeniy Sulimov bilan shartnoma imzoladi. Bu haqda klub matbuot xizmati xabar tarqatmoqda.

Ma’lumot uchun, Evgeniy 1993 yilning 20 avgust kuni tavallud topgan. U sakkiz mavsum VXLda "Zaurale" jamoasi tarkibida o‘ynagan. Uning oxirgi klubi esa Voronejning "Buran" jamoasi bo‘ldi.

Sulimov VXL da jami 351 ta o‘yin o‘tkazib, 130 (41+89) ochkoni to‘pladi.