Xokkey. Jahon chempionati yarim finalchilar nomi ma’lum!

Finlyandiyada bo‘lib o‘tayotgan xokkey bo‘yicha jahon chempionatida yarim finalchilar nomi ma’lum bo‘ldi. Unga ko‘ra, mezbon Finlyandiya, AQSh, Kanada hamda Chexiya terma jamoalari final uchun bahs olib boradi. 

Dastlabki yarim final uchrashuvi Finlyandiya - AQSh terma jamoalari o‘rtasida bo‘lib o‘tadi. Ushbu bellashuv ertaga Toshkent vaqti bilan 16:20 da start oladi. 

Keyingi juftlikda Kanada va Chexiya xokkeychilari muzda "jang" olib boradi. Mazkur to‘qnashuvni ertaga 18:20 dan boshlab tomosha qilishingiz mumkin. 

3-o‘rin uchun o‘yin 29 may kuni Toshkent vaqti bilan 17:20 da boshlanadi. Final shu kuni 22:20 da o‘tkazilishi rejalashtirilgan.