Хоккейчиларимиз жаҳон чемпионатида қатнашади

Хоккей бўйича 18 ёшгача бўлган Ўзбекистон терма жамоаси 28 февраль - 6 март кунлари Таиланд пойтахти Бангкок шаҳрида ўтказиладиган U-18 жаҳон чемпионатининг III дивизионида иштирок этади.

Таъкидлаш керакки, бугунгача Ўзбекистон хоккей мактаблари тарбияланувчиларидан ташкил топган U18 ёшлар терма жамоаси Осиё ва Океания кубогида икки марта ғолибликка эришган. Ўтказилган ҳеч бир ўйинда мағлубиятга учрамаган. 

2023 йил март ойида Мўғулистон пойтахти Улан-Батор ва 2024 йил апрель ойида Тошкент ҳамда Самарқанд шаҳарларида бўлиб ўтган чемпионатда ёш хоккейчиларимиз ватанимиз шарафини муносиб ҳимоя қилган эди.

Бу галги жаҳон чемпионатида ҳамюртларимиз Жанубий Африка Республикаси, Люксембург, Туркманистон, Босния ва Герцеговина ҳамда Таиланд  жамоалари билан рўбарў келади.

Турнир тақвимига кўра, 28 февраль Ўзбекистон Жанубий Африка Республикаси билан, 1 март куни Люксембург, 3 март куни Туркманистон,  4 мартда Босния ва Герсеговина, 6 март куни Таиланд ёшлар жамоаси билан куч синашади.