Холанд бештасидан бири танла! Эрлингга даъвогар жамоалар номи эълон қилинди

Манбаларга кўра, «Манчестер Сити» ҳужумчиси Эрлинг Холанд яқин йилларда клубни тарк этиши мумкин.

Маълумотларга қараганда, «Челси», «Арсенал», «Бавария», «Реал Мадрид» ва «Барселона» норвегиялик форвардни диққат билан кузатиб бормоқда. Европа гранди жамоалари «Манчестер Сити»га нисбатан қўлланилиши мумкин бўлган санкциялар масаласига алоҳида эътибор қаратмоқда.

Клуб атрофидаги тергов натижаси Холанднинг келажагига ҳам бевосита таъсир кўрсатиши мумкин. Шу боис унинг шартномавий ҳолати ва эҳтимолий трансфери катта қизиқиш уйғотмоқда.

Эслатиб ўтамиз, Эрлинг Холанд 2022 йилдан буён Англия премьер-лигасида тўп сурмоқда. У «Манчестер Сити» сафига «Боруссия Дортмунд» клубидан ўтган эди.