"Боруссия" Дортмунд ҳужумчиси Эрлинг Холанднинг отаси Альф-Инге Холанд ўғлининг топ клубларга ўтиши тўғрисида гапирди.

"Сиз яхши ўйин кўрсатишни бошласангиз, табиийки, катта клублар эшигингизни тақиллата бошлайди. Айни пайтда биз бунга лойиқмиз. Бироқ ҳозир на Эрлинг, на мен бошқа жамоа ҳақида ўйлаяпмиз. Бизнинг "Боруссия" билан узоқ муддатли шартномамиз бор. Бу фарзандим учун жуда мос клуб.

Биз унинг эҳтимолий трансферини муҳокама қилмаяпмиз. Ўйлайманки, Эрлинг "Боруссия" билан бир қанча совринлар ютиб олади. У Германияда кўп нарса ўрганмоқда. Бошқа чемпионатга кўчиб ўтиш биз учун устувор вазифа эмас",-дея "Sport1.de" нашри собиқ футболчи сўзларини келтирмоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар