Холанд гол уролмаган икки жамоа бор холос

“Манчестер Сити” ҳужумчиси Эрлинг Холанд Англия Премьер-лигасидаги дебют мавсумида 36 та гол уриб, чемпионатлар тарихида бир мавсумда энг кўп гол урган футболчи сифатида мутлақ рекорд ўрнатди.

“Шаҳарликлар” чемпионатнинг 37-турида “Челси”ни кичик ҳисобда енгиб, чемпионликни мустаҳкамлади.

Бироқ, бу учрашувда Эрлинг Холанд гол ура олмади. Норвегиялик 22 ёшли футболчи Англия чемпионатига кўчиб ўтганидан кейин фақат иккита жамоа дарвозасига йўл топа олмаган. Хусусан, “аристократлар” билан бўлган ҳар икки баҳсда биттадан гол урилган. “Челси” майдонидаги беллашувда Рияд Маҳрез, Манчестердаги тўқнашувда Хулиан Альварес тўп киритган.

Шунингдек, Эрлинг Холанд бу мавсум “Ливерпуль” дарвозасини ҳам ишғол қила олмади. Биринчи даврада Юрген Клопп шогирдлари 1:0 ҳисобида зафар қучди.

Хосеп Гвардиола шогирдлари 4:1 ҳисобида зафар қучган иккинчи баҳсда Эрлинг Холанд касаллиги боис ўйинга тушмаган.