Холанд келса, мен кетаман!

“Реал” тўпурари Карим Бензема клуб мутасаддилари “Боруссия” ҳужумчиси Эрлинг Холанд билан келишувга эришса, “Қироллик клуби”ни тарк этишини маълум қилди, деб хабар бермоқда Defensa Central нашри.

Агар норвегиялик ҳужумчи бошқа жамоани танласа, Бензема 2023 йилнинг ярмигача давом этадиган шартномасини тўлиқ бажаради.

Франциялик ҳужумчи “Реал”га ўз ҳамюрти Килиан Мбаппени олиб келинишини қўллаб-қувватламоқда. Бироқ Холанд ҳам келса, Бенземанинг ўйин амалиёти кескин камайиб кетади.

Карим жорий мавсумда 34 та учрашувда қатнашиб, ўз ҳисобига 32 та гол ва 13 та ассист расмийлаштирди.