Холанд: "Мен энг яхши пайтимда бўлсам ҳам Роналду мендан кўпроқ гол урмоқда"

“Манчестер Сити” ҳужумчиси Эрлинг Холанд ўзининг кумири ҳисобланган Криштиану Роналду ҳақида илиқ фикрлар билдириб ўтиб, португалиялик юлдузни мақтади. 
 
"Кўряпсизми, мен ҳозир фаолиятимнинг энг яхши дамларини ўтказмоқдаман. Бироқ, Роналду 40 ёшда ҳам мендан кўпроқ гол урди. Бу нормал ҳолат эмас, у шак-шубҳасиз тарихдаги энг яхши футболчи" – дея таъриф бериб ўтди, норвегиялик форвард. 
 
Маълумот ўрнида, 24 ёшли ҳужумчи жорий мавсум “шаҳарликлар” сафида 37 та учрашувда иштирок этиб, 28 та гол ва 4 та голли узатмага муаллифлик қилган. У манчестерликлар сафига кўчиб келишидан аввал “Боруссия Дортмунд” ва “Зальцбург” клубларида ҳам ҳаракат қилган.