Холанд "Сити"ни бошқа бир машҳур жамоага алмаштириши мумкин

"Манчестер Сити" ҳужумчиси Эрлинг Холанд "Реал"га ўтиш ғоясига қизиқмоқда. Ўз навбатида Мадрид гранди ҳам норвегиялик форвардга беэътибор эмас. Бу ҳақда Испаниянинг Mundo Deportivo интернет нашри хабар бермоқда..

Манбага кўра, томонлар ўртасида ўзаро манфаатдорлик мавжуд. Холанднинг "Манчестер Сити" билан шартномасида озод қилиш банди бор. Унга кўра, норвегиялик ҳужумчи 150 миллион евро эвазига трансфер қилиниши мумкин. Қайд этилишича, Эрлингнинг "Реал"га трансфери келаси ёзда амалга ошиши мумкин.

Маълумот учун, Холанд "Манчестер Сити"да 2022 йилдан буён ўйнаб келмоқда. У бунгача "РБ Зальцбург" ҳамда "Боруссия" Дортмунд каби жамоаларда ўйнаган. Аввалроқ Холандга "Барселона" ҳам қизиқаётгани ҳақида хабарлар тарқалган эди.