Холанд ва Мбаппе бирга ўйнайди. Фақат “Реал”да эмас!

ПСЖ таркибда жиддий ўзгаришлар қилиши кутилмоқда. Парижликлар Лионель Месси ва Неймар билан хайрлашишга тайёр.

Париж клуби янги лойиҳани амалга оширмоқчи. Режага кўра, ҳужум чизиғида Килиан Мбаппе ва Эрлинг Холанд тандеми тўп тепиши керак.

Бу режани амалга ошириш учун парижликлар норвегиялик ҳужумчи учун “Манчестер Сити”га 200 миллион евро атрофида бадал пули таклиф қилмоқчи.

Холанднинг “Сити” билан тузган шартномаси 2027 йилнинг ярмигача давом этиши керак. Бироқ, норвегиялик футболчининг шартномасида 2024 йилнинг ёзида уни 180 миллион еврога трансфер қилиш бўйича банд киритилган.