Холанднинг агенти ҳужумчи учун бошқа суперклуб танлади

“Манчестер Сити” тўпурари Эрлинг Холанднинг агенти Рафаэла Пимента ўз мижозини бошқа суперклубда кўришни истаяпти.

Холанднинг амалдаги шартномаси норвегиялик ҳужумчини 2025 йилнинг ёзида бошқа клубга трансфер қилиш ҳуқуқини берувчи банд бор.

Defensacentral нашрининг маълум қилишича, “Реал” анчадан бери 24 ёшли тўпурарни ўз сафига қўшиб олишни режалаштирмоқда. Рафаэле Пимента эса, мадридликларнинг қизиқишидан фойдаланган ҳлда мижозини “Қироллик клуби”га жойлаштиришга уриниб кўради.

Холанднинг манчестерликлар билан амалдаги шартномаси 2027 йилнинг ёзигача давом этади. Клуб ўз етакчиси билан янги битим тузишга интилмоқда. Бироқ томонлар ҳали якуний қарорга келгани йўқ.

Transfermarkt порталига кўра, Эрлинг Холанд дунёнинг энг қимматбаҳо футболчиларидан ҳисобланади ва у 200 миллион еврога баҳоланмоқда. Ўйинчининг ўзи янги шартномасида ҳам трансфер учун бадал суммаси 100 миллион евродан ошмаслигини талаб қиляпти.