Холанднинг агенти: Менга "Барселона" президенти қўнғироқ қилсин

"Боруссия" Дортмунд форварди Эрлинг Холанднинг агенти Мино Райола норвегиялик мижозининг “Барселона”га ўтиши мумкинлиги ҳақида тарқалган хабарларга муносабат билдирди.

“Барселона” президентлигига номзодлардан ҳеч бири билан гаплашмадим. Буни режалаштирмаганман ҳам. Мен фақат президент билан гаплашаман. Улар сайловлар тугаганда менга қўнғироқ қилишсин”, - деди Райола.

Бундан аввалроқ, “Барса” президентлигига номзод Эмили Русо Холанд масаласида агент Мино Райола билан гаплашгани ҳақида хабарлар тарқалган эди. Аммо агент бу хабарларни инкор этди.