Холанднинг гапи Мбаппега жуда ёқса керак

Килиан Мбаппе ва Эрлинг Холанд янги авлод ҳужумчилари сифатида энг қимматбаҳо ўйинчиларга айланган. Лионель Месси ва Криштиану Роналду даври тугаб, бу икки тўпурар эраси бошланди.

“Манчестер Сити” сафида тўпурарлик қилаётган Эрлинг Холанд ПСЖдаги ҳамкасби ҳақида фикр билдирди.

- Килиан Мбаппе зўр. У мендан икки ёшга катта, лекин футбол оламида ақлбовар қилмас нарсаларни амалга ошира олди, - деди Эрлинг Холанд таниқли журналист Адриен Греньега берган интервьюсида.

Эрлинг Холанддан фарқли равишда Килиан Мбаппе жаҳон чемпиони ва мундиалнинг кумуш медали соҳиби ҳисобланади.