Холанднинг нархи рекорд даражага етди

CIES футбол обсерваторияси футболчиларнинг октябрь-ноябрь ойларидаги трансфер суммаларидаги ўсишини тадқиқ этди.

Ўтказилган тадқиқотлар натижасида “Боруссия” ҳужумчиси Эрлинг Холанднинг трансфер суммасида катта ўсиш бўлгани аниқланди. Норвегиялик ҳужумчининг нархи 35,3 миллион еврога ошиб, бугунги кунда 155,6 миллион еврога етди. Дортмундликлар январь ойида бу футболчини 20 миллион еврога харид қилганди.  

Шунингдек, дортмундликларнинг яна бир футболчиси Жованни Рейна ҳам қимматлаша бошлади. 18 ёшли америкалик футболчининг трансфер суммасига 34,4 миллион қўшилди ва бугунги кунда унинг нархи 46,1 миллион еврони ташкил қиляпти.

Учинчи ўринда “Манчестер Юнайтед” ғалабалари асосчиси Бруну Фернандеш қайд этилди. Унинг нархи 19, 9 миллион еврога ошди. Фернандешнинг умумий трансфер суммаси 140, 2 миллион еврога тенглашди.