"Хоразм" "Динамо"ни қайси стадионда қабул қилиши маълум

"Хоразм" Суперлига 12-туридан ўрин олган "Динамо" билан учрашувни Жиззах шаҳрида ўтказади. Бу ҳақида ЎзПФЛ матбуот хизмати хабар беряпти. Беллашув 15 июнь куни 20:00 да старт олади. 

"Хоразм" Суперлигага қайтган жорий мавсумидаги 6 та уй учрашувини бошқа шаҳарларда ўтказишига тўғри келди.

Жумладан, клуб икки уй учрашувида рақибларини Тошкентдаги "Дўстлик" стадионида ва яна шунчасини Жиззахдаги "Сўғдиёна" стадионида қабул қилди. ОКМК ҳамда "Бунёдкор" клубларига қарши уй ўйинлари эса рақиби майдонида бўлиб ўтди.