Хорижда фаолият юритаётган ўзбекистонлик бокс мураббийларини биласизми?

Спорт оламида мураббийларнинг ўрни қай даражада муҳим эканлиги барчага маълум. Спортчининг муваффақияти замирида айнан устозларнинг ўрни катта бўлсада, барибир энг катта эътибор спортчига қаратилади. Мураббийнинг мехнати эса бироз сояда қолади десак муболаға бўлмайди. Ваҳоланки, улар юксак хурматга лойиқдирлар!

Сўнги йилларда мамлакатимизда бу борада ҳам хайрли ишлар амалга оширилмоқда. Шогирдлари натижа кўрсатаётган ҳар қандай мураббий эътиборсиз қолдирилмаяпти. Муносиб тақдирланиш баробарида ўзига хос хурмат кўрсатилмоқда. Албатта, бундай рағбатлантиришлар, эътирофлар ушбу касб эгаларини янада юксак марраларни забт эта оладиган, истеъдодларни тарбиялашларида муҳим омил бўлади десак, янглишмаган бўламиз.

Сўз бошимиздан сезиб турибсизки, бугун мураббийлар борасида сўз юритмоқчимиз. Яъни, айни вақтда хорижда фаолият юритаётган мутахассисларимизни таништириш истагидамиз. Албатта, бу борада ҳам кўпроқ эҳтиёж бокс бўйича мураббийларимизга бўлмоқда деб баралла айта оламиз.

Демак, ушбу спорт тури бўйича хорижда фаолият олиб бораётган мутахассислар билан танишинг...

Владимир Шин

Боксимизнинг тирик афсонаси айни вақтда Япония бокс терма жамоасининг бош мураббийи лавозимида фаолият олиб бормоқда.  Японияликларнинг Владимир Николаевичга бўлган хурматлари жуда юқори... Бунга биргина, ушбу заминда ҳамюртимиз ҳақида ҳужжатли фильм олинганлиги ҳам яққол мисол бўла олади. Япония боксининг намояндаларидан бири Хирокуни Мотонинг таъкидлашича ўзбекистонлик мураббий ёрдамида самурайлар юрти боксчилари Токио Олимпиадасида яхши натижалар қайд эта олади.

28423115_197711947645711_6373572780690824905_o

Олим Муҳаммедов

Бухоро боксида ўз ўрнига эга бўлган ушбу мураббий, айни кунда Жанубий Кореяда фаолият юритмоқда. У мазкур юртнинг терма жамоасида катта мураббий сифатида кореялик чармқўлқоп усталарининг маҳоратини ошириш билан машғул. Сўнги йиллар Жанубий Кореяда ҳаваскор ҳамда профессионал боксга бўлган қизиқиш ортиб бормоқда. Шубҳасиз, тез орада юртдошимизнинг билимлари, мехнатлари жанубликларга катта фойда келтирса ажаб эмас.

Без названия (2)

Алишер Раҳимов

Яқин ўтмишда ажойиб боксчи бўлган ушбу ватандошимизга ҳам ҳорижда эҳтиёж сезилган. У айни вақтда Непал терма жамоасида бош мураббий вазифасида фаолият юритмоқда. "Жамолунгма" чўққиси жойлашган ушбу юрт бокси у қадар ривожланмаганлиги барчага маълум. Шунинг учун, ҳам кучли мутахассисга эҳтиёж сезишган. Бундай савиядаги мураббийни эса Ўзбекистондан танланганлиги, албатта қувонарли ҳолат. Ўйлаймизки, яқин йилларда мазкур ўлка вакиллари ҳам юқори даражага кўтарила олишади. Чунки, у ерда  ўзбек бокс мактаби қўлланма бўлаётганлиги, яхши савиядаги юртдошимиз фаолият олиб бораётганлиги, бундай фикр билдиришимизга асос бўлади.

Без названия (3)

Бобур Нажмиддинов

Ёш истеъдодли мураббий сифатида қаралаётган ушбу мураббий, айни вақтда Жанубий Кореянинг “Cocky Buffalo” промоутерлик компанияси билан шартнома имзолаган ва яқин икки йилдан буён компания тасарруфидаги боксчилар билан ўз билимларини ўртоқлашиб келмоқда. Нафақат у жанубий кореялик ҳамда ўзбекистонлик боксчилар (ушбу промоутерлик компанияси билан бир қатор ўзбекистонлик боксилар ҳам шартнома тузишган)  билан балки вьетнамлик, россиялик чармқўлқоп усталарини ҳам жангларга тайёрлаб бормоқда. Мазкур компания рахбарларидан бири Санг Бум Ким ёш мураббийнинг олиб бораётган фаолиятидан қониқиш ҳосил қилаётганлиги ва у билан яхши натижалар қайд эта олишига ишончи комил эканлигини айтиб ўтиши ҳам, ҳамюртимизнинг самарали иш олиб бораётганлигига мисол бўла олади.

photo_2017-02-22_00-25-41

Бир сўз билан айтганда улар ўз мехнатлари билан хорижда ҳам эътирофга сазовор бўлишмоқда. Бу борада ушбу ватандошларимизни янада муваффақият қозонишларини тилаб қоламиз!