Хорхе Сампаоли яна Европага қайтмоқда

"Севилья" клуби ва Аргентина терма жамоаси собиқ бош мураббийи Хорхе Сампаоли фаолиятини Франция чемпионатида давом эттиришга яқин турибди.

AS нашрининг хабар беришича, 60 ёшли аргентиналик мутахассисни "Марсель"га чорлашмоқда. Аммо ҳозирда томонлар ўртасида шартнома имзоланиши учун битта масала қолган. Гап шундаки, Сампаоли айни дамда "Атлетико Минейро" клубини бошқармоқда ва Бразилия чемпионатининг якунланишига яна 4 та тур бор. "Марсель"нинг спорт департаменти унга бироз вақт беришга рози, аммо раҳбарият уни тезроқ жамоада кўришни хоҳлаяпти.

Эслатиб ўтамиз, яқиндагина Андре Виллаш-Боаш ўз ихтиёрига кўра "Марсель"дан истеъфога чиққан эди. Жамоа айни дамда Франция чемпионатида 32 очко тўплаган ҳолда 9-ўринда бормоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар