Хуммельс фаолиятини якунлаш ҳақида ўйламоқда!

Германия терма жамоаси ва "Боруссия Д"нинг собиқ ҳимоячиси Матс Хуммельс ёзда фаолиятини якунлаши мумкин. 35 ёшли ҳимоячи "сариқлар" сафини тарк этганидан сўнг эркин агент ҳисобланади. Аввалроқ унга "Брайтон" ва "Вест Хэм" клублари қизиқаётгани малум бўлганди.

"Немис футболчиси шу ёзда фаолиятини якунлашга қарор қилиши мумкин. Хуммельс бу ҳақда ўйлаб кўрган, лекин ҳали якуний қарорга келмаган", - деб ёзади "Sky Sport" журналисти Флориан Плеттенберг. 

Маълумот учун, Матс ўтган мавсум Бундеслигада 25та ўйин ўтказиб, 3та гол урган.