Хушхабар! Волейболчиларимиз илк бор жаҳон чемпионати йўлланмасини қўлга киритди

Тошкент мезбонлик қилаётган волейбол бўйича ўсмирлар ўртасидаги Осиё чемпионати ярим финал босчиқи бўлиб ўтди. Ўзбекистон терма жамоаси ярим финалда Покистонни мағлуб этиб, финал йўлланмасини қўлга киритди. 

 

Қизиқарли баҳс ҳамюртларимизнинг 3:1 ҳисобидаги ғалабаси билан якунланди. Қайд этиш жоиз, ушбу ғалаба финал билан бир қаторда волейболчиларимизга келаси йил бўлиб ўтадиган жаҳон чемпионати йўлланмасини ҳам тақдим этди. Шу пайтгача ҳеч бир ёш тоифасидаги жамоамиз қитъа биринчилиги финали ва мундиалга йўл олмаган эди. 

 

Энди жамоамиз 29 июль куни Эронга қарши чемпионлик учун майдонга тушади.