Ямал (ижтимоий тармоқда): "Биз ҳар сафар йиқилганимизда қайта туришга одатланганмиз"

"Барселона" футболчиси Ламин Ямал "Эл-класико" олдидан ижтимоий тармоқда мотивацион видеоролик жойлади. Роликнинг якунида инглиз тилида шундай ибора ёзилган:

"Бизнинг энг катта буюклигимиз ҳеч қачон йиқилмасликда эмас, балки ҳар сафар йиқилганимизда қайта туришимиздадир" - дея хабар қолдирилди испаниялик ёш истеъдод эгаси.

Эслатиб ўтамиз, бугун 19:15 да "Барселона" – "Реал" ўйини бўлиб ўтади. "Кўк-анорранглар" турнир жадвалида мадридликлардан 4 очкога олдинда. Биринчи даврада "Барса" "Реал"ни меҳмонда 4:0 ҳисобида мағлуб этган эди.