Ямаль, Мессидан эмас Роналдудан ўрнак ол!

“Барселона”нинг 17 ёшли юлдузи Ламин Ямалнинг агенти Жорже Мендеш ўз мижозини фаолиятини шакллантиришда Криштиану Роналдудан ўрнак олишга чақирди.

- Ямаль ҳали жуда ёш, жаҳонда биринчи рақамли футболчи бўлиш, катта муваффақият қозониш учун олдинда бутун келажаги ва имконияти бор.

Ламиннинг ва умуман барча ёш футболчиларнинг  муваффақиятга эришишида Криштиану Роналду ажойиб ўрнак бўла олади.

Роналду ҳали ҳеч ким етолмаган даражага чиққан. Голларининг сони мингтага яқинлашиб қолди, ундан кўп тўп киритган ўйинчи йўқ.

Гол — ҳар қандай жамоанинг асл мақсади. Ламин Роналдуга қараб, нафақат майдонда, балки ундан ташқарида ҳам ўрнак олиши мумкин. Криштиану қирққа яқинлашган бўлса ҳам, ҳамон рақобатга қодир. Бу ажойиб намуна, - деди Жорже Мендеш.