Ямал Флик қолиб, нега Хавига раҳмат айтди?

“Барселона”нинг чемпионлигида катта роль ўйнаган Ламин Ямал жамоанинг собиқ бош мураббийи Хавига миннатдорлик билдиргани кўпчиликнинг эътиборини тортди.

- Хави биз ёш ўйинчиларга “Барселона” учун дебют қилиш имконини берди. Шунинг учун ҳам мен унга раҳмат айтмоқчиман.

Ҳаммамиз ундан миннатдормиз. Агар у имкон бермаганидан ҳозирги даражада бўлмас эдик, - деди Ламин Ямал.

Хави ўтган мавсум якунланганидан кейин жамоани тарк этди. Унинг ўрнига таклиф этилган германиялик Ханс-Дитер Флик жамоани янги босқичга кўтарди. Бу мутахассис бошчилигида  “Барселона” учта соврин – Испания чемпионлиги, мамлакат кубоги ва Суперкубогини қўлга киритди.