Ямалнинг отасини “Барса”ни ўйинидан ҳайдаб чиқазишди

Испания чемпионатида пешқадамлик қилаётган “Барселона” Ла Лиганинг 15-турида “Бетис” жамоаси меҳмони бўлиб, сафар учрашувидан 5:3 ҳисобидаги ғалаба билан қайтди.

Каталонияликларнинг голларидан учтасини Ферран Торрес, биттасини Руни Бардагжи ва охиргисини Ламин Ямал пенальтидан киритди.

Ушбу баҳснинг 70-дақиқасида “Бетис” уй учрашувларини ўтказадиган “Олимпия” стадиони ходимлари Ламин Ямалнинг отаси Мунир Насрауидан трибунани тарк этишни талаб қилди.

Бунга унинг “Барселона” голларини ҳаддат ташқари ҳиссиёт билан нишонлагани ва бу орқали маҳаллий мухлисларнинг норозилигини келтириб чиқаргани сабаб бўлди.