Yana 3 nafar bokschimiz yarim finalga yo‘l oldi!
Xabaringiz bor, 24 maydan 1 iyungacha Tailandning Bangkok shahrida boks bo‘yicha xalqaro turnir bo‘lib o‘tadi.
Bugun ham charm qo‘lqop ustalarimiz chorak finalda o‘z uchrashuvlarini o‘tkazdi.
-75 kg vaznda bo‘lib o‘tgan bahsda Javohir Abdurahmonov qozog‘istonlik Timur Nurseitovni 4:1 hisobida mag‘lub etib, musobaqadan chiqarib yubordi.
Nigina O‘ktamova ham chorak finalda g‘alaba qozondi. Bokschimiz o‘z jangida -57 kg vaznda xitoylik Ge Yaqini qiyinchiliksiz engdi - 5:0.
Aziza Zokirova -75 kg vaznda o‘tkazilgan to‘qnashuvda xitoylik Ju Yashuni 5:0 hisobida taslim etib, yarim finalga yo‘l oldi.
Fikrlar