Яна бир афсонавий футболчи Қатардаги мундиал ўзи учун сўнггиси бўлишини айтди

Бельгиялик ярим ҳимоячи Кевин де Брюйне Қатардаги жаҳон чемпионати унинг фаолиятидаги сўнггиси бўлишини тан олди.

"Мен аллақачон 31 ёшдаман ва тўрт йилдан кейин нима бўлишини билмайман. Бу менинг учинчи жаҳон чемпионатим, терма жамоадаги даврим ниҳоясига етаётганини яхши тушунаман. Аммо жамоадошларимиз билан буни муҳокама қилмайман. Сабаби бизда тақвим жуда зич", — деб де Брюйне сўзларини келтиради "Goal.com".

31 ёшли бельгиялик футболчи 2010 йилда терма жамоада дебют қилган. Жамоа таркибида 93 ўйинда майдонга тушиб, ўз ҳисобига 25 гол  ва 46 голли узатма ёздириб қўйган.