Яна бир боксчи вафот этди. У жанг вақтида ўз ҳушини йўқотган (видео)

6 июнь куни Жанубий Африка Республикасида профессионал бокс оқшомида нохуш ҳолат юзага келди. Енгил вазн тоифасида WBF Африка камарини эгаси Симизо Бутелези (4-1) Сифелисе Мнтунгвига (7-1-2) қарши жанг олиб бораётган эди. Баҳснинг 10-раундида Мнтунгви канатга суяниб қолгани учун рефери стоп ишорасини берди. Боксчилар ринг марказига келиб жангни давом эттиришга рухсат берилганда эса Бутелези ўз ҳушини йўқотган ҳолда бошқа томонга қараб кетди ва ҳавога зарба бера бошлади. У ўзида эмаслигини билган ҳакам жангни тўхтатди ва боксчи зудлик билан шифохонага олиб кетилди. Бутелези кома ҳолатида тушиб қайтиб уйғонмади ва 8 июнь куни вафот этди. Бу ҳолат жанг давомида зарбалар натижасида юзага келган, деб таҳмин қилиш мумкин. Аммо шу вақтга қадар баҳсда Буселези очколар ҳисобида олдинда эди.