Яна бир Европа гранди Роналдуни олиш фикридан воз кечди

Сўнгги кунларда Криштиану Роналдуга бир нечта Европанинг гранд клублари, шу қаторда "Интер" ҳам қизиқиш билдираётгани ҳақида янгиликлар кўпайди.

"TuttoSport" хабар қилишича, "нерадзуррилар" 40 ёшли юлдуз ҳужумчини трансфер қилиш вариантини кўриб чиқмаяпти. 

Нашр хабарида "Интер" бош директори Жузеппе Маротта илгари айтган сўзларини эслатиб ўтган. Унга кўра, Роналду билан шартнома имзолаш молиявий жиҳатдан мураккаб масала ҳисобланади.

Криштиану Роналдунинг "Ан-Наср" билан амалдаги шартномаси 2025 йилнинг ёзида тугайди. Аввалроқ матбуотда португалиялик футболчининг Клублар ўртасидаги жаҳон чемпионатида иштирок этиш истаги борлиги ҳақида ҳам ёзилганди.