Яна бир футболчи “Реал”дан кетишдан бош тортди

Ҳимоячи Рауль Асенсио “Реал”дан кетишни истамаяпти. Diario AS нашри маълумотига кўра, иқтидорли футболчи Мадрид клубида юзага келган вазиятни ўзгартириш ниятида.

У раҳбариятга “Реал”га бўлган садоқати мустаҳкам эканини аниқ билдирган. Асенсио келаси мавсумда ҳам мадридликлар сафида ўйнашни мақсад қилган.

Рауль Асенсио “Реал” тарбияланувчиси ҳисобланади. Унинг клуб билан шартномаси 2031 йил 30 июнгача амал қилади.

Ушбу мавсумда ҳимоячи барча турнирларда 34 та ўйинда қатнашиб, икки гол ва бир ассист қайд этди. Transfermarkt портали футболчининг бозор қийматини 25 миллион евро деб баҳолаган.