Яна бир ҳамюртимиз "ONE Championship" турнирида жанг қилади

2025 йил 21 март куни Бангкокдаги (Таиланд) машҳур "Lumpinee" стадионида “ONE Friday Fights 101” халқаро профессионал турнири бўлиб ўтади.

Мазкур профессионал кечада муайтай бўйича илк бор ўзбекистонлик машҳур ёш спортчимиз Мухлисбек Ғанижонов таиландлик тажрибали номдор спортчи Кҳунсуэкка қарши рингга кўтарилади.

Мухлисбекнинг рекорди - 5 та жанг, 5 та ғалаба, 4 та нокаут;
 Кҳунсуэкнинг рекорди - 5 та жанг, 4 та ғалаба, 1 та мағлубият;

Ушбу халқаро нуфузли турнир 21 март куни соат 17:30 да дунёнинг 190 дан ортиқ мамлакатларида жонли равишда намойиш этилиши режалаштирилган. Бу ҳақда Ўзбекистон муайтай федерацияси хабар бермоқда.