"Янги чақирув, янги йўл": Кубо фаолиятини АПЛда давом эттириш арафасида

"Реал Мадрид"нинг собиқ футболчиси Такефуса Кубо фаолиятини Англия Премьер-лигасида давом эттириши мумкин. 
 
Журналист Флориан Плеттенбергнинг маълум қилишича, япониялик футболчига АПЛнинг бир нечта гранд клублари жиддий қизиқиш билдирмоқда. Манбага кўра, Кубо трансфер бозорида 30-40 миллион еврога баҳоланмоқда. Футболчининг ўзи эса янги чақирувларга тайёр ва Англия чемпионатида ўзини синаб кўришни интиқлик билан кутмоқда. 
 
Эслатиб ўтамиз, 24 ёшли вингер жорий мавсум барча чемпионатларда 52 та учрашувда иштирок этиб, 7 та гол урган ҳолда, 4 та голли узатмани ҳам ўз ҳисобига ёздириб қўйди. Унинг Transfermarkt порталидаги нархи 40 миллион евро деб баҳоланмоқда.