“Янги Погба” грандлар орзусига айланди

Франция чемпионатида “Сент-Этьен” шарафини ҳимоя қилаётган Люка Гурна-Дуат тез орада қудратли клублардан бирига ўтиши кутилмоқда.

Ўйин услуби “Манчестер Юнайтед” юлдузи Поль Погбани эслатиб юборгани учун Францияда “янги Погба” лақабини олган 17 ёшли футболчига “Челси”, ПСЖ, “Милан” ва “Лейпциг” жиддий қизиқиш билдирмоқда.

“Сент-Этьен” раҳбарияти ҳам Люка Гурна-Дуатнинг бозори қайнаб турган вазиятдан фойдаланиб қолмоқчи. Францияликлар ёш ярим ҳимоячи учун 25 миллион евро талаб қилмоқда.

Гурна-Дуат жорий мавсумда Франция чемпионатида 25 та учрашувда майдонга тушди. Шулардан ўнтасида ўйинни бошланғич таркибда бошлади.

Фикрлар

Фикр қолдириш учун авторизациядан ўтинг!