Янгиланган WBA рейтингида Шоҳжаҳон Эргашев пастлади, Дўсматов эса бошқа вазн рейтингига ўтказилди

Профессионал бокс таянч ташкилотларидан бири бўлган Бутунжаҳон бокс ассоциацияси (WBА) апрель ойи якунига кўра янгиланган рейтингини эълон қилди. Унда ўзбек боксчилари қуйидаги ўринларда қайд этилган:

Супер ярим ўрта вазнда (69,8 кг): Исроил Мадримов 1-ўрин,

Супер енгил вазн (63,5 кг): Шаҳрам Ғиёсов 7-ўрин, Шоҳжаҳон Эргашев ўтган ойдаги 12-ўриндан 13-ўринга пастлади, шунингдек, ўтган ойда Ўзбекистон номи билан 5-ўринда қайд этилган Ботир Аҳмедов ҳам 6-ўринга тушди.

Ярим енгил вазн (57,1 кг): Отабек Холматов 2-ўринда,

Биринчи ярим енгил вазн (55,3 кг): Муроджон Аҳмадалиев жаҳон чемпиони сифатида рейтинг юқорисида,

Март ойида биринчи ўта енгил вазнда (48,9 кг) қайд этилган Ҳасанбой Дўсматов минимум вазн (47,6 кг) рейтингига ўтказилиб, 3-ўринда ўзгаришсиз қолди.