Yaponiya - O‘zbekiston: Ikki yil oldingi o‘yinni yodga olamiz

Qatarda bo‘lib o‘tayotgan 23 yoshlilar o‘rtasidagi Osiyo kubogiga bugun yakun yasaladi. Finalgacha Yaponiya va O‘zbekiston terma jamoalari etib kelishdi va 20:30da start oladigan uchrashuv orqali turnir g‘olibi aniqlanadi. Bundan ikki yil oldin O‘zbekistonda o‘tkazilgan chempionatda ham bu ikki jamoa o‘zaro to‘qnash kelgan. O‘sha bellashuvni yodga olamiz. 

Chorak finalda Iroq bilan kuch sinashgan Temur Kapadze shogirdlari juda qiyin o‘tgan o‘yinda iroda namoyish qiladi. Uchrashuvning 12-daqiqasidayoq Abduvohid Ne’matov iroqliklar provakatsiyasiga uchib, qizil kartochka oladi. Penaltidan esa mehmonlar hisobni ochdi. Taym so‘nggida esa Jasur Jaloliddinov imkoniyatlarni tenglashtiradi. Ikkinchi bo‘limda darvozalar yana bir martadan ishg‘ol qilindi. O‘yin penaltilar seriyasigacha davom etib, bizning g‘alaba bilan tugaydi. Uchrashuvga tashrif buyurgan muxlislar Iroq futbolchilarining xatti-harakatlaridan norozi bo‘lib, stadionga tosh otishni boshlashadi. 

Odamlarning bunday ishidan so‘ng Yaponiyaga qarshi bahsda stadionga ularning kirishi man qilinadi va bahs o‘zbek muxlislarisiz o‘tadi. O‘yinda hisob ochilishini 60 daqiqa kutishga to‘g‘ri keldi. Jaloliddinov uzoq masofadan super zarbasi bilan yaponiyaliklar darvozasini ishg‘ol qilishga muvaffaq bo‘ldi. 89-daqiqada esa Norchaev bellashuvga nuqta qo‘yuvchi golni urdi.

Uchrashuv asosiy tarkibi

O‘yin statistikasi

Shu tariqa, O‘zbekiston Yaponiyani mag‘lub qilib, finalga yo‘l oladi. So‘nggi uchrashuvda esa Saudiya Arabistoni Kapadze shogirdlarini taslim qiladi. Aynan Qatarda bo‘lib o‘tayotgan turnirda revansh olindi. Endi ikki yil oldin amalga oshirgan ishimizni takrorlash qoldi holos.