Япония U-23 бош мураббийи: "Ўзбекистонга қарши баҳсдан сўнг озроқ тушкунликка тушдик"

Эртага мамлакатимизда давом этаётган футбол бўйича U-23 Осиё кубогида 3-ўрин учун ўйин бўлиб ўтади.

Бугун “Бунёдкор” стадионида мазкур баҳслар олдидан матбуот анжумани ташкил этилди. Унда Япония терма жамоаси бош мураббийи Го Оива ва футболчи Жоэль Чима Фужита иштирок этиб, Австралия U-23 жамоасига қарши кечадиган ўйин олдидан ўз фикрларини билдириб ўтди.

Мураббий: - Австралия  - кучли жамоа. Биз навбатдаги ва сўнгги ўйинни ғалаба билан якунламоқчимиз. 3-ўринни қўлга киритиш биз учун яхши натижа бўлади.

Ўйлайманки, бронза медаллари учун жиддий кураш кечади. Тўғри, рақиб ва биз кутилганидек финалга чиқишни истагандик. Аммо режалар ҳар доим ҳам сиз ўйлагандек ўхшайвермайди.

Австралия - тезкор, жисмонан кучли футболчиларга эга жамоа. Бизда бундай йигитлар кўп эмас. Шундай экан, рақибнинг айнан шу томониидан эҳтиёт бўлишимиз керак. 

Ўзбекистонга қарши баҳсдан сўнг озроқ тушкунликка тушдик. Аммо эътиборимизни ўтмишга эмас, келажакка қаратамиз. Бизни олдинда қийин ўйин кутиб турибди. 

Мураббий сифатида ҳар бир учрашувга алоҳида тактика танлаш лозим. Навбатдаги беллашув учун ҳам режаларимиз бор. Фақат ғалаба учун майдонга тушамиз.

 

Фикрлар

Фикр қолдириш учун авторизациядан ўтинг!