Yaqin kunlarda "Liverpul"da yangilik bo‘ladi!

"Feyenoord" klubi bosh murabbiyi Arne Slot uning "Liverpul"ga ko‘chib o‘tishi tez orada e’lon qilinishiga shama qildi.

“Men “Liverpul” – “Tottenxem” o‘yini boshlanishini ko‘rdim. Men faqat birinchi golni ko‘rishga ulgurdim. Ajoyib gol! "Liverpul" uchun yaxshi g‘alaba. Agar u erda mening transferim rasman tasdiqlansa, Angliyaga boraman va mersisaydliklar ishtirokidagi ko‘plab o‘yinlarni tomosha qilaman! Ba’zan hayot sizga imkoniyatlar beradi va siz ana shunday vaziyatlarda yuragingiz amriga quloq solishingiz kerak. Men o‘z tanlovimni qilib bo‘lganman. Yaqin kunlar yoki haftalarda yangilik bo‘ladi”, - dedi Slot The Athletic nashriga bergan intervyusida.

Avvalroq OAVda niderlandiyalik mutaxassis "Liverpul" bilan 2027 yilgacha amal qiladigan shartnoma imzolagani haqida ma’lumot paydo bo‘lgandi. Ingliz klubi esa shartnoma muddatidan oldin bekor qilingani uchun tovon puli sifatida "Feyenoord"ga 13-15 million evro to‘lashi ta’kidlangan.

“Liverpul”ni 2015 yildan buyon boshqarib kelayotgan Yurgen Klopp joriy mavsum yakunida ketishini rasman e’lon qilgan. Uning boshqaruvidagi jamoa bu mavsum APLda 78 ochko bilan 3-o‘rinda bormoqda.