Яхшибоев яна гол урди ва тўпурарлар баҳсида пешқадамга айланди

23 май, 2020, 21:01
0
Футбол

Айни пайтда Беларусь чемпионати 10-туридан ўрин олган “Ислочь” ва “Энергетик-БГУ” учрашуви давом этмоқда.

Ўйинда ўзбекистонлик легионерлар – Жасур Яхшибоев ва Шаҳбоз Умаров асосий таркибда ўйнамоқда.

Учрашувнинг 13-дақиқасида “Энергетик-БГУ” етакчиси Жасур Яхшибоев пенальтини аниқ амалга оширди. Шу билан ҳамюртимиз чемпионатдаги голлари сонини 7 тага етказиб, тўпурарлар баҳсида якка пешқадамга айланди.

Унинг асосий рақобатчиси – Гегам Кадимян 10-тур учрашувида рақиб дарвозасига йўл топа олмади. “Неман” вакили ҳисобида 6 та гол бор.

Ўйин давом этмоқда ва Жасур голлари сонини янада ошириши мумкин.