Яя Туре ўз хизматини А Серия клубига таклиф қилди

Ивуарлик машҳур ярим ҳимоячи Яя Туре ўз хизматини А Серия дебютанти ҳисобланган “Специя” клубига таклиф қилди.

Secolo XIX нашрининг хабар беришича, 37 ёшли футболчининг агенти Италия клуби билан боғланган ва мижозининг хизматларини таклиф қилган. Айтиш керакки, “Специя” ўз тарихида илк бор А Серияга чиқди ва шу боис, улар таркибга тажрибали футболчиларни қўшиб, элитада жон сақлаб қолишга уринишлари мумкин.

Яя Туре фаолияти давомида “Барселона” ва “Манчестер Сити” клубларида тўп сурган.