Ёш боксчиларимиз Россиядаги халқаро турнирда совриндор бўлишди

26-31 январь кунлари Россия Федерациясининг Комсомольск шаҳрида бокс бўйича 2002-2003 йилларда таваллуд топган спортчилар ўртасида халқаро хотира турнири бўлиб ўтди.

Афғон уруши жангчилари хотирасига бағишланган мусобақада Куба, Корея, Хитой, Франция, Чехия, Норвегия, Финляндия, Англия, Россия ва Ўзбекистон ёшлар терма жамоалари аъзолари иштирок этишди.

Мусобақа якунига кўра, Ўзбекистон терма жамоаси аъзолари 1 та олтин, 1 та кумуш ва 4 та бронза медалини қўлга киритишди.

Ўзбекистон терма жамоаси сафида совриндор бўлган боксчиларимиз рўйхати:

Олтин:

-49 кг: Авазжон Йўлдошев

Кумуш:

-75 кг: Нурислом Исмоилов

Бронза:

-60 кг: Фирдавс Жумёзов
-81 кг: Шоҳжаҳон Абдуллаев
-91 кг: Амиршох Самадов
+91 кг: Жаҳонгир Зокиров

Мураббийлар: Ҳамид Тангрибергенов, Сирожиддин Наимов.

Манба: Ўзбекистон бокс федерацияси матбуот хизмати