Ёзда "Интер"дан кетадиган яна бир футболчи аниқ бўлди

Миланнинг “Интер” клуби ҳимоячиси Эшли Янг яқинлашиб келаётган ёзги трансферлар даврида жамоани тарк этади. Италия нашрлари тарқатган хабарга кўра, “нерадзуррилар” раҳбарияти ушбу футболчи билан шартномани узайтирмоқчи эмас.

35 ёшли Янг “Интер”га 2020 январида кўчиб ўтган эди. У жорий мавсум 8 та ўйинда майдонга тушди ва 2 та голга ассистентлик қилди.

Эшли Янг фаолияти давомида “Уотфорд”, “Астон Вилла” ва “Манчестер Юнайтед” каби клубларда тўп сурган. У Англия терма жамоасида 39 та ўйинда майдонга тушиб, ўз ҳисобига 7 та гол ёздириб қўйган.

“Интер” А Сериянинг 29 туридан сўнг 68 очко билан 1-ўринда бормоқда. Иккинчи ўринда бораётган “Милан” ҳисобида 60 очко мавжуд.